باليووڊ اداڪاره ديا مرزا ڪنگنا رناوت جي حمايت ۾ اچي وئي

نئين دهلي (ويب ڊيسڪ) ڀارت جي پارليامينٽ جي ميمبر ۽ شيو سينا جي اڳواڻ سنجي راوت پاران هڪ نجي ٽي وي چينل تي ڪنگنا رناوت خلاف ”حرامخور“ جهڙو لفظ استعمال ڪيو ويو، جنهن کان پوءِ ڪنگنا رناوت سماجي رابطن واري ويب سائيٽ ٽئيٽر ته هڪ ويڊيو پيغام ۾ چيو ته توهان هڪ سرڪاري ملازم آهيو، توهان ته ڄاڻو ٿا ته ملڪ ۾ هر روز ڪيترين ڇوڪرين سان ريپ ٿئي ٿو، ان جو جسم ڪٽيو ٿو وڃي، انهن جي مٿان تيزاب هاريو ٿو وڃي، جڏهن عامر خان چيو ته ان کي هن ملڪ ۾ ڊپ ٿئي ٿو ته ان کي ڪنهن حرامخور نه چيو، جڏهن نصيرالدين شاھ به چيو ته ان کي به ڪنهن حرامخور نه چيو ـ

संजय जी मुझे अभिव्यक्ति की पूरी आज़ादी है
मुझे अपने देश में कहीं भी जाने की आज़ादी है ।
मैं आज़ाद हूँ । pic.twitter.com/773n8XDESI

— Kangana Ranaut (@KanganaTeam) September 6, 2020

هن وڌيڪ چيو ته ممبئي پوليس سشانت جي والد کان ايف آءِ آر جي ڪاپي وصول نٿي ڪري، مون کان بيان ڪونه ٿا وٺن، جيڪڏهن مون ان جي مذمت ڪئي آهي ته اهو منهنجي لاءِ اظهار جي آزادي آهي ـ
سنجي راوت جي اهڙي لفظ استعمال ڪرڻ کان پوءِ ڀارت جي مشهور اداڪاره ديا مرزا طرفان ٽئيٽر تي ٽئيٽ ڪندي ڏٺو ويو، هن چيو ته مذمت ڪجي ٿي سنجي روات جي اهڙي لفظ استعمال ڪرڻ تي، توهان کي ڪنگنا سان اختلاف جو پورو حق آهي پر توهان جي اهڙي ٻولي استعمال ڪرڻ تي معافي وٺڻ گهرجي ـ

Strongly condemn the word ‘haramkhor’ used by @rautsanjay61. Sir you have every right to express your displeasure for what Kangana has said but you must apologise for using such language. https://t.co/6uY3AObCcw

— Dia Mirza (@deespeak) September 5, 2020